絲絲講場：恒生水哥成功挑戰70個全馬
人稱「水哥」嘅恒生銀行（00011）傳訊及可持續發展總監張樹槐（Walter），一向係長跑愛好者，佢啱啱周日又再下一城，喺羅馬成功挑戰佢60歲人生中第七十個全馬。
遠征羅馬賽道
今次比賽當中選手來自130個國家，仲多達1萬名。羅馬馬拉松嘅賽道原來都好把炮，有2,000年歷史，並以羅馬鬥獸場外為起點及終點，沿途仲經被列為聯合國世界文化遺產嘅羅馬歷史中心，包括古羅馬廣場、卡拉卡拉浴場、羅馬斯金字塔，以及梵蒂岡等。
其實一二年水哥已經成功挑戰世界海拔最高、比賽起點位於海拔5,364米嘅珠穆朗瑪峰馬拉松賽事，成為首位跑畢世界海拔最高馬拉松嘅香港人，佢堅愛馬拉松o架！
余絲韻