孖妹S檔案：基金攻穩健潛力股
施羅德鄧偉志負責銷售的亞洲高息股債基金A類股份截至一月三十一日，重注14%於香港股票，其次係澳洲及新加坡股票，分別13.9%及13.7%。投資目標係透過投資於亞洲股票及亞洲定息證券，提供收益及中長期資本增值。呢隻基金主要投資嘅股票包括領展房產基金（00823）、中國建設銀行（00939）等，屬於穩健類型。
天達貝德鳴管理嘅天達環球策略股票基金，採用四大動力投資程序，篩選高質素、估值吸引、營運表現持續改善，以及備受投資者注目嘅公司。其基金亦有分散投資各個地區，逾五成在北美洲、16.7%在歐洲、10%在中國（包括中國A股、H股及美國預託證券）等。
