港交所（00388）原想藉納入同股不同權吸引獨角獸公司來港上市，再加上北水流入，早前股價被炒起。勢估不到，中央突為CDR開綠燈，直接向港交所引入競爭對手。CDR概念跟ADR相似，理論上，在港上市公司都一樣可在內地以CDR掛牌，如此將來北水還有沒有需要來港買騰訊（00700）等股票呢？
另外，原本港交所係想吸引小米、阿里巴巴等企業來港上市，但CDR一開通，這批公司就可以選擇回內地上市。富士康A股只用了36日審批時間就可以上市，今年內又會放寬金融機構的外資持股，如果成功（其實無甚麼理由會失敗），那麼A股市場必然會好熱鬧，A股市場估值上升，對香港股市都會有利，但就未必對港交所有利。
究竟情況有多壞？首先，未有北水之前，港股平均成交都有500億至600億元，北水來港後，累積亦有過萬億元，估計仍會留在香港買賣，亦即港股保持800億至900億元成交問題不大，但要長期突破千億就需有更多優質股票上市。而CDR的引入就令到原來一片好景的港交所蒙上陰影。
不過，事情未必太壞，因公司可先在港上市再以CDR形式在內地掛牌，港交所仍可受惠，只係本來一個人可食晒個餅，依家就要分番部分出來。內地一心想搞活A股市場，最終都會刺激港股市場，港股轉牛亦會增加交投，最後港交所仍會受惠。所以，最近港交所股價因消息受壓，可能又是吸納的時機。
由任職國際大行到創業揸莊，經歷無數金融巨浪，以識見捕捉趨勢，博高Fund，也要有Fun。
作者：微子