絲絲講場：冰雪搞新意思Fb直播業績會
三月係財經界傳統旺季，因為上市公司一窩蜂公布業績，而業績會通常都係去酒店或自己公司搞。而舊年十二月上市嘅香港營銷製作公司冰雪集團（08429）第一場年度業績會就搞搞新意思，以Facebook Live同傳媒見面。咁創新，可能係香港史上第一間上市公司咁宣布業績！
慳番租場費用
公司話咁安排有趣啲，加上公司強項係做社交媒體營銷，咁樣可以會帶出公司業務特性。二來方便傳媒朋友，實行隨時隨地開業績會，仲可以中途加入。但傳媒點問問題？好簡單，喺Comment度留言發問就得。不過計絲絲話，咁搞業績會最實際係，連租場費都慳番。
余絲韻