下禮拜五就係冬至，正所謂冬大過年，唔少人或者度緊去邊度食呢餐飯，而對小米創辦人雷軍來講，年晚亦係佢慰勞一眾「米粉」嘅大日子。
小米尋日公布，「米粉」年度重頭活動「小米家宴」將於本月廿九日登場，想參加嘅「米粉」可於網站報名。內地、港、澳及台灣的小米用戶亦可參與。一如去年，最終成功獲邀參與家宴嘅「米粉」，唔單止可到小米北京總部參觀，仲可以同雷軍在內嘅小米高層大擦一餐，連往返北京交通費同住宿，亦由小米埋單。
話時話「小米家宴」已係第三年舉辦，去年聽講請咗逾200位「米粉」出席，至於今年會請幾多人，小米話預咗到時送出過千份禮品喎。至於佢哋以咩準則揀請邊位「米粉」？唔知呢。
余絲韻