絲絲講場：港人退休要480萬 貴過生仔？

八成人35歲準備退休安排

調查發現，受訪嘅100位已退休人士，每月平均開支約1.75萬元。上面480萬元條數，係假設你60歲開始退休，而又去到81歲命計。

有八成受訪準退休人士平均喺35歲已開始為退休財務安排作準備，但對能夠樂活退休嘅信心指數只有56分，有接近八成人擔心唔夠錢應付退休後支出。

咁點算好？大新銀行財富管理處總經理及主管陳維堅就話，其實480萬元只係基本金額，退休後必須要有穩定收入，最好就係盡早進行財務策劃，先可以將480萬元繼續滾存落去，好嘅退休生活就指日可待啦。

余絲韻