南洋商業銀行副總經理梅月嫦（Wendy）呻阿仔幫佢「倒米」？！發生咩事？
話說，自從南商脫離咗中國銀行（香港）（02388）後，多咗好多空間去大展拳腳，Wendy靜雞雞同絲絲講，佢哋行嘅外幣兌換價，正過多間大排長龍找換店多多聲，連阿仔啲朋友去日本玩都搵南商暢Yen呢。
南商嘅外幣現鈔提取量係就係大增，不過Wendy就好鬼激氣咁話，阿仔啲朋友一個二個全部都係經阿仔個南商戶口暢錢，明明係好好嘅機會可以吸納班年輕人做南商客戶！Wendy仲講，如果佢係做前線嘅，呢班朋友仔一定無得走雞，一於擸晒佢哋做客。
Wendy喺銀行界廿幾年，係超資深銀行家，當然有番咁上下實力同牙力，要氹班年輕人開戶又點難倒佢呢！遲吓要做阿仔嘅朋友，會唔會先要過Wendy媽媽嗰關先呢可？
余絲韻