絲絲講場：趙海珠復出再戰財圈
「輪后」趙海珠（珠珠）復出喇！不過今次唔係再做「輪后」或者主播，而係轉做財經公關，擔任弘達金融控股（01822）旗下弘達財經公關董事。
珠珠話：「其實我一路都想出番嚟做嘢，但想等小朋友大啲先算。到依家大仔四歲半、細女16個月大，又咁啱有個機會，有獵頭公司搵，所以咪試吓囉。」
全職PR朝九晚六
珠珠返新工大約返咗一個星期，返朝九晚六，佢話暫時家庭同工作都兼顧到，唔算太辛苦。
其實，近幾年珠珠做全職媽媽，都只係間中接吓散Job出席吓活動，今次轉番做全職工作，都有啲估佢唔到。
咁珠珠嘅Fans日後仲會唔會喺公開場合見到珠珠呢？佢就話暫時答唔到，都要睇吓係咩類型嘅活動，但就補充話自己有好多朋友，都需要見多啲保持聯繫嘅。
余絲韻