絲絲講場:騰訊《王者榮耀》女粉多過男

被譽為騰訊控股(00700)「印鈔機」嘅《王者榮耀》,係全球吸金力最強手機遊戲。

佔比超過54%

但除咗賺錢能力強外,呢個遊戲對女性玩家亦有非一般吸引力!

據內地分析機構統計顯示,《王者榮耀》女玩家佔比竟然高達54.1%,完全打破了打機係「宅男專利」傳統思維。

根據之前統計,《王者榮耀》呢類角色扮演遊戲,女玩家參與佔比一般唔會多於35%,《王者榮耀》獲得咁多女粉絲支持絕對係異數。

分析就相信,出現呢個情況係由於微信朋友圈之間嘅推介與挑機,已經成為共同話題,唔少女生為免被人話Out,自然就玩埋一份。不過呢個經驗要複製到微信仍未完全普及嘅外國市場,睇怕就有一定難度。

余絲韻