理財Campus：散戶：風險高 賺逾倍才值博
從事金融業的Edwin分享：「過往炒開即月期權，博中隨時賺兩、三倍，近排就轉玩末日輪，暫時都係輸贏各半。
月尾入市較易捉路
好似我上星期買咗隻濠賭股末日輪，持有數日至到期等結算，帳面賺約三、四成，成績唔算好好，因買末日輪有輸晒風險，要賺多過一倍才划算。
今次我大概用了1萬元買末日輪，而我每次入市大概只用十分一投資本金。」
他續指出：「揀末日輪的時候，我主要睇是否貼價和是否就快到期，我喜歡揀股價波動較大的股份，博相關窩輪更易由價外變為價內，而僅剩番幾日到期就隨時可持有至到期結算。另外，我喜歡臨近月尾才買末日輪，因屆時差不多期指期權結算，股份和大市走勢較易捕捉。」