想早啲退休印印腳？又想即中六合彩？若「基本功」打得唔好，就算天降橫財都枉然。以下「發達秘方」，相傳僅1%人真正能參透。
以下兩個選擇，你會揀邊個？
一、恭喜你！你中咗六合彩，一次過畀你1億元！
二、你加入咗一個組織，今天先畀你1元，往後連續30日，每日都畀你之前一日兩倍嘅錢！
揀大嗱嗱1億元先落袋？原來揀「二」，你最終可得總數係幾億元。真正嘅致富之道係「複息」，就算「1元」起步，只要每天多一啲，總數結果大到你意想不到。
一、生活費
二、用來交值得交嘅朋友，堅持一年，「朋友圈」會為你產生價值
三、為父母、愛人送份禮物
四、用來投資自己，每月買本好書讀或上課
五、用來投資
淨係生活費已佔咗超過一半？咁仲有細半可以做啲嘢啩。
舉個例：依家你係建築工人，有人問你做緊咩？你煩躁地答：「砌緊牆，見唔到咩？」可惜，十年後睇怕你仍砌緊牆。如果你笑答：「我學緊起樓。」十年後，你有機會成為工程師。如果你充滿理想咁講：「我學緊建立新城市。」十年後，你分分鐘做咗老闆！
好多人起點相同，但終點就唔一樣。諗諗十年前嘅自己，實有後悔嘅嘢。點先唔後悔？就由依家開始調整心態，樂觀啲Think Big！
有位月薪其實值1萬元嘅人，你作為老闆，只係畀9,000元佢，慳番1千元，結果人家見有好機會即刻走。相反，如果你爽手畀夠佢月薪1.5萬元，佢肯定立即出足兩倍力，為你「賣命」。呢個例子，無論係老闆定打工嗰個，贏嘅都係見到有好機會，就放膽一搏嗰個。
余絲韻