絲絲講場：高科橋上市送光纖紀念
高科橋光導科技（08465）周四掛牌，公司送畀聯交所嘅，驟眼睇以為只係平平無奇嘅透明水晶座，勢估唔到呢個「水晶座」嘅原材料竟然係光纖！
紀念品係由一支光纖預製棒，即係用光纖原材料製成。通信用光纖普遍以微米量度，1微米有幾細？係100萬分之1米。咁唔知呢支光纖預製棒，可以整到幾多、幾長嘅光纖呢？
提起光纖，就諗起「光纖之父」高錕。原來高科橋前身係由高錕於二○○○年創立，仲係當時香港唯一光纖製造商，公司其後易手畀現任董事長胡國強同行政總裁何興富，發展重心亦轉移至泰國等東南亞國家。
公司首日掛牌曾飆至比招股價高近七成，全日收報1.84元，較招股價1.68元高9.52%。
余絲韻