絲絲講場：基金之神醒你致勝六招

以下係佢總結一生得出嘅6大忠告，教投資教做人。

1【創業要唔怕風險】

佢話創業係高風險、高回報嘅行為，愈早儲蓄先有「種子錢」，揀創業就要有心理準備啲錢會無晒，失敗就從頭來過。

2【要勤力到底】

佢話唔好過分強調工作與生活平衡，生命從來就要取捨。佢自己65歲做完心臟大手術後，第一樣就問有冇薄同筆要開工。

3【搵工要搵啱公司】

佢話唔好睇最初薪酬，搵啱公司自然會有機會。

4【投資要有規律】

佢話短炒係輸家遊戲，唔好諗住捉時間同靠估，定期買入「指數基金」就得。

5【勿靠理財顧問】

佢話唔好嘥錢搵人幫你管理資產。

6【留在遊戲中】

佢話人生如戲，唔好對現時面對嘅逆境或挫折睇得太重，勿輕易言敗，點都繼續留喺自己嘅人生遊戲。

余絲韻