好似齊齊跑步或踩住室內健身單車傾單Deal。再唔係，約埋去音樂節，Fing住邊唱邊講錢，一樣得。
風潮係美國金融同Tech界帶起，事關啲財俊愈來愈年輕，尤其係科技話事人，佢哋有一套生活哲學：工作玩樂分唔開，又講健康，於是傾Deal都要出汗。
絲絲所知，有位搞保險金融科技嘅創科人約創投公司傾融資，見面地點竟然係間Climbing Gym！事關創投公司阿頭係個90後，於是乎創科人惟有一邊攀石一邊Pitch橋。相對嚟講，Elevator Pitch算係小兒科！
總之，豪飲豪食嗰套唔啱呢班新貴，聽講搞到有間以往商家專傾生意嘅紐約名餐廳早排都差啲做唔住。
余絲韻