絲絲講場：機械人爭食 蓋茨朱仔都驚

唔信調查？咁，如果連當今硅谷兩大科技巨企創辦人及億萬富豪，微軟嘅蓋茨和facebook嘅朱克伯格（朱仔）都異口同聲話，美國嘅工人未來面對最大嘅威脅正正就係機械人的話，大家可能要選擇去相信吧！

朱仔日前出席哈佛大學演購時就提醒一眾學弟和學妹，佢話：「我哋呢一代嘅年輕人，將會面對以千萬計的工作被機械人或者自動化科技所取代！」

蓋茨就話：「五十年前嘅一代，塑膠技術係新技術，它改變了世界。現時，我想與大學畢業生分享一個新名詞，就係機械人。」

一半工種將被取代

回說上述調查指，未來十至廿年，有一半嘅工作都會被機械人取代，所講到最高危就係服務相關嘅行業，好似收銀員、零售業售貨員、快餐廳店員、貨車司機同埋侍應生等等，當中售貨員係最高危，90%以上嘅工作將畀機械人取代添。人工低嘅打工仔絕對高危！

最後，調查講到，一啲有熱情、着重理解同道德判斷嘅工種就夠晒穩陣，例如係護士、老師同警察。如果你唔係做呢行都唔使驚，因為自動化為你關咗一扇門，會為你開番一扇窗，總會產生其他新工種，到時最多咪轉行再搏殺過！

余絲韻