絲絲講場：聽股東話 泓富請飲湯
泓富產業信託（00808）差唔多每年都會喺紅磡某商場個大堂舉行股東周年大會，今年個商場就人山人海，同舊年比，出席人數多咗一倍去到600人。
派西餅驚谷高血糖
發言人解釋，今年公司應股東要求，開會前寄信畀每一位股東提醒開會，仲寫明「出席人士均可獲贈紀念品一份」，難怪個個爭住嚟啦。
會上小股東張先生就話，公司年年都派西餅禮券做紀念品，但小股東多數係公公婆婆，怕食得多西餅糖尿惡化，要求董事會正視呢個問題咁話。
查實泓富投資者關係嘅員工好貼心，事前已向股東收晒風，知道佢哋唔Like西餅券，所以今年改派湯券。咦？飲得湯多，會唔會又話怕鈉高令血壓上升o架？
余絲韻