中國周一公布今年首季國內生產總值（GDP）按年增長6.9%，不過每次公布GDP，總係有人質疑個數係真唔係。咁點睇中國GDP先叫最準？竟然靠喺天度望！
紐約聯儲銀行個Blog周三出Post，係佢哋兩位經濟師聯同一位大學經濟教授合寫嘅，佢哋話有方法Check到中國官方GDP數字係咪準，就係用人造衞星測度全中國各地燈光照上夜空嘅亮度，愈光就代表經濟增長愈高，仲可以排除人為誤差或政府操控。
點解人家唔信官方數字？就睇一五年中國公布GDP係6.8%，只比對上一年嘅7.2%跌啲啲。但一五年年中A股股災，跟手人仔忽然貶值，GDP跌咁少？紐約聯儲銀行經濟師嘅研究話，現時中國經濟增長被誇大嘅徵狀少到幾乎無。你又點睇？
余絲韻