股價昨曾升9%
份公告係講佢哋「加快京津冀地區（包括雄安新區）天然氣投資布局」，喺京津冀地區已經與七個城市簽咗清潔能源戰略合作框架協議，開展一連串項目……新簽約鄉鎮氣代煤用戶50萬戶（包括雄安新區2萬戶）乜乜乜。
哦，成份公告嘅重點，睇嚟係「雄安新區」四隻字。唔通見周一雄安新區概念股隻隻炒起，自己升得唔夠2%，所以想講句「別遺忘我」？
經公告溫馨提示後，中國燃氣股價尋日最高升咗9.56%，高見13.98元，可惜收市去番13.18元，只升3%多啲啲。咁佢哋算係「核心嘅外圍」定「核心嘅內圍」呢可？
余絲韻