雞年講有無黑天鵝已經Out晒，依家大家係講緊有幾多隻天鵝，投資環境真係變幻莫測。專家醒各位投資者一個貼士，仲要咩資產都用得着，就係多食「雞」胡。
近排永隆銀行筵開七席，請來近90位大把貨嘅私人銀行客戶，同司庫蕭啟洪（Terry）一齊食飯兼拎吓投資貼士。
一班大客今年首季有興趣嘅投資包括新股、結構性產品同內地債券等等，Terry預料今年投資市場相對波動，所以投資要好似打麻將咁，唔好一味等「叫大胡」，雞胡都照殺，「密密食」、「步步為『贏』」先係上策。當然，投資者要繼續「聞雞起舞」，早起多「做功課」，留意市場機遇。
余絲韻