小日向結衣 妖艷在胸間

男人梗係鍾意女仔擁有天使面孔同魔鬼身材,而喺日本寫真界呢種女優真係多不勝數,好似今日為大家介紹嘅小日向結衣就係一個好例子。不過,阿妹表示自己嘅妖艷魅力唔會成日流露出嚟,而係藏於兩峰之中,久唔久至會夾畀大家欣賞。

正統治愈系

喺香港生活成日都要面對不同嘅壓力,例如打工仔要面對老闆嘅壓力,冇工作嘅失業人士就要面對經濟壓力,而已婚男士則要應付老婆畀嘅壓力。雖然可以將壓力化為推動力,但係壓力過大的話,可以點頂呀?唔使驚!大家搵小日向結衣就會壓力全消喇!

22歲嘅結衣妹妹被日本寫真界稱為正統派治愈系和風美人兒,樣子可愛得嚟令人感覺清新又醒神,面上只有青春活力,唔會畀到大家任何壓力!結衣嘅身材同樣唔會給予大家壓迫感,因為胴體小巧而婀娜,身上每一個部分都大小適中,不失豐滿感,卻又唔會好似一班巨乳系女優咁,一味用迫爆鏡頭嘅巨乳令大家幾乎感到窒息。仲有,結衣肌膚鮮嫩雪白,令人覺得心情平和又養眼,真係好正呀!

夾出魅力

結衣喺上年下半年加入寫真界,之前佢就為不同雜誌做模特兒,轉型做寫真女郎之後,外間反應相當熱烈,上年10月推出首部寫真映像作品《First Love》好評如潮,更登上網購網站亞馬遜寫真偶像DVD銷量榜第一位。而呢部寫真作品亦廣為網民所討論,從留言當中可以見到以「惱殺寸前」(即係就快被迷得神魂顛倒)、「女神」、「綺麗」嚟形容結衣,足見大家對阿妹相當讚賞。

早前,結衣為周刊《Weekly Playboy》拍咗輯寫真,本來好平常,但係該輯寫真就同知名嘅AKB48成員向井地美音及SKE48成員松井珠理奈等嘅寫真一齊刊出,反映出結衣受重視嘅程度同兩位偶像藝人相若,真係飲得杯落呀!結衣下海拍寫真能夠得到大家如此熱烈支持,當然深感榮幸,而佢就覺得個人最大嘅魅力係嚟自雙峰,只要輕輕一夾,再加多個迷人表情就散發出妖艷魅力,不過佢強調夾胸動作一定要不經意咁進行,太刻意的話就冇咁嘅效果,亦唔會矜貴(口架)啦!

社交網站

簡介: 小日向結衣除咗會喺Twitter上同大家分享工作動態及上載性感寫真照之外,仲有與愛貓嘅生活點滴,若然大家都係貓奴,不妨Click上去同結衣研究養貓心得。

網址: https://twitter.com/kohinataaa03?lang=ja社交網站

小日向結衣Profile

年齡:22歲

身高:5呎2吋

三圍:33D-22-32

撰文:賢