理財Campus：Snap長揸短炒睇專家點Chat

買後即沽？吸年輕客短線可炒

Snap於美國時間三月二日在紐約證交所掛牌上市，香港投資者可在掛牌後追入，一股即有交易。據外媒稱，Snap正計劃調高招股價範圍，由每股14至16美元，調升至17至18美元，公開發售2億股，最高集資36億美元。

豐盛金融資產管理部分析員馮宏遠稱，Snapchat攬盡90後或00後的年輕用戶，Snap短線可炒一浸，料股價整固後有力再上，但長線盈利能力則有待觀望，所以配合「閱後即焚」特點，今次上市要「買後即沽」！

合理價要回落5成

比富達證券研究部主管林嘉麒則呻貴，直言「貴到好得人驚，佢又唔似阿里巴巴咁有商業概念，淨係得廣告收入」，現時科網股「唔當炒」，於招股價回落50%才合理。「假如係新股認購可能仲有水位，但上市後衝入去就真係未必賺。」

長線可諗？業務單一要靠收購

據招股書，Snapchat去年底每日活躍用戶有1.58億人，較一五年底上升約48%，用戶年齡集中18至34歲；去年廣告收入達4.04億美元，按年勁升六倍。

有見及此，facebook創辦人兼行政總裁朱克伯格立刻出「辣招」，旗下Instagram照辦煮碗推出「故事」模式，大玩「即焚」概念；上周更「加辣」，於WhatsApp再推相似功能「status」，實行雙重夾擊。

林嘉麒稱，WhatsApp的動態功能可保留24小時，根本不是「即焚」，而且介面古怪，暫難取替Snapchat。

廣告收入難保增長

不過，他指Snapchat業務太單一，未來兩至三年單憑廣告收入難以繼續維持高增長。兩個科網巨頭阿里巴巴及facebook收入來源不只單靠廣告，即使是Line，亦會推出遊戲，甚至賣動態及靜態貼圖（Stickers）谷收入。

馮宏遠亦同意Snapchat業務單一，缺乏多元產品，與Twitter差不多，但他認為Snapchat最終或參考facebook，利用兩至三年時間累積現金，再作其他收購或開發。

事實上，當年facebook及阿里巴巴股價於上市首年皆跌，幸否極泰來，facebook股價至今升逾2.5倍，阿里巴巴亦進帳50%；不過，另一科網企業Twitter股價上市至今跌近四成，Snap最終命途暫時未知。