絲絲講場：郭Sir轉工着背心做主持
股評人郭思治去向終於落實，佢由尋日起加盟民眾財經傳播，最新職銜為民眾財經傳播主席及民眾證券董事總經理，為民眾證券打造全新財經資訊視頻節目。民眾證券咪係民眾金融科技控股（00279）嘅全資附屬囉！
人工雙位數升幅
初嚟甫到，郭Sir話：「做證券業一定要北望神州，面向澎湃嘅北水。今次加盟仲加咗雙位數字百分比嘅人工，我都好滿意﹗」
「民眾請咗專業兼靚女嘅女主播，第日拍住我做節目。為吸引內地股民，我除咗喺網上講股市分析同教書外，仲會搞特備健身節目，因為過去廿年我日日都舉開鐵，仲可能着背心主持。」
余絲韻