絲絲講場：柳井正營銷哲學一分鐘學晒
未聽過日本首富柳井正？有聽過迅銷（06288），有着過迅銷旗下嘅UNIQLO喇啩，佢就係迅銷主席，亦係創辦Uniqlo嗰位。佢係繼「經營之神」 Panasonic創辦人松下幸之助後，日本商界另一位充滿傳奇色彩嘅人物。
去年《福布斯》全球富豪榜中，佢係排名最高嘅日本人。佢係白手興家，由無到有嘅人辦，「一勝九敗」係佢嘅座右銘。趁尋日佢「牛一」，絲絲就數吓佢營商哲學有幾特別。
講到零售，佢認為舖面最緊要夠大，產品多元化，仲要夠平夠潮。
講到創業，佢認為勝敗乃兵家常事，可以「一勝九敗」，但絕不容一蹶不振要刻苦，創業唔係朝九晚五嘅「寫字樓」工。唯一能評價你嘅係市場與顧客，一定要順應顧客需求、並創造需求。
要堅信團隊精神
堅信命運喺你自己手，唔喺他人手上。仲要記住積極適應社會變化，唔好掛住緬懷過去。無論係人生或產品，都要訂立更高標準。必須相信團隊合作，唔好自己一個「揼石仔」。
余絲韻