金融科技（FinTech）風愈吹愈勁，銀行反應慢啲都分分鐘輸在起跑線。
推動FinTech發展嘅SuperCharger2.0計劃，喺今年最後八強項目當中，就有一間係做人工智能（AI）嘅「Clare.ai」，佢哋主力製作嘅Chatbots（聊天機械人程式）加入自然語言處理（NLP），所以用起廣東話可以「同聲同氣」，仲識得吸收金融知識，聽講唔少銀行同保險公司，都同佢哋傾緊合作嘅可能。
其實港銀近排一間二間都搞AI。好似滙豐官網就有個虛擬客服Amy，可以解答企業客戶嘅奇難雜症；中銀香港亦有機械人喺某啲分行招呼客人，仲識得用廣東話、普通話與英文同客傾偈，個機械人如果被客問到口啞啞，仲識得跳舞「遮醜」添。
查實渣打香港有份贊助SuperCharger，唔知幾時會見到渣打香港出動AI招呼客戶呢可。
余絲韻