職場上，工作能力雖然重要，但唔係一切。要避開地雷，就要知上司咩性格。
上司若有以下11樣動靜，佢可能有「被動攻擊型」人格障礙。心理學上，呢類人會以被動方式表達不滿，有嘢唔擺上枱，但足夠令你難受。有冇覺得熟口熟面呢……
佢一邊「踩你」一邊話「講笑啫」，而你又笑唔出嗰啲，多數係。
A同事特別得寵？唔同Team之間充滿競爭？可能係佢利用挑起衝突、製造混亂，來從中操控。
愈複雜愈無謂嘅規矩，佢愈喜歡，咁先有把柄打擊對手。
幾句玄妙「提示」等你壓力爆標，能否參透，睇你造化。
不斷精心為你準備不可能嘅任務，對你要求特別高？其實係搵機會「剷除」你。
突然將你手頭Project分畀其他人，將你棄埋一邊，零解釋，令你以為自己做錯，令你混亂。
喺無正面衝突下，暗示你犯錯，令你連反駁嘅機會都冇。
「上次你……」掛口邊，時刻「提醒」你N年前過錯，專潑冷水。
即使係一啲不值一提嘅小錯誤，只有佢咁嘅人先會咁嚟懲戒你。
培育下屬？你諗多咗。佢只會將所有心思放自己身上。
佢堅信所有都係其他人嘅錯、係社會嘅錯，永遠唔關佢事。
余絲韻