理財Campus：25歲地產仔 「置」富靠理財

80後有兩層樓已被歸類為人生勝利組，但今次的主角，現年25歲的Oscar，任職地產代理，入行五年，已在短短兩年間連購兩個物業。有人會認為地產佬易買樓，但多數打工仔在賺錢快之餘，使費亦相當大，Oscar月入約3萬元，不過他理財有道，每月至少會儲起一半人工。

投資盈富求穩定回報

當大學畢業生剛畢業時，23歲的他已率先上岸成為業主，成功在一四年正式上車，於元朗購入人生第一層樓，實用面積約349方呎，當時作價約285萬元，現時每月供款約1萬元。近兩年新界西樓價大升，元朗升幅更跑贏大市，該單位現時估值逾350萬元，樓價於短短兩年升值約65萬元，升幅逾兩成。

Oscar稱，由於自己本身住元朗區，有見該區近年配套日漸成熟，升值潛力甚高，事業亦有大躍進，收入增加，故他於一五年再下一城，與家人合資首期，於同區買入當時約值600多萬元的鐵路沿線新盤三房單位。

Oscar更稱，未來會繼續買樓，所以要努力搵錢，也有計劃投資其他產品。他補充，自己為保守型投資者，除買樓外，亦會作基本儲蓄，並會將部分收入投放在穩健投資，包括盈富基金（02800），以及中長線投資股票，雖暫未有太大獲利，但都會有穩定回報。

擬買第3間 睇好東涌

Oscar現正為第三層樓做好準備，積極儲錢，第三層樓希望可衝出元朗，他較睇好東涌區，因隨着港珠澳大橋落成，該區未來具發展潛力，樓價亦會漸升，希望盡快儲錢再買樓。