澳優乳業（01717）CFO（首席財務官）王煒華（Derek）尋日講起，公司嚟緊會主力發展羊奶業務。咦，咁啱公司創辦人陳遠榮英雄所見略同，離巢後都收購咗間意大利嘅綿羊奶公司喎，會唔會變競爭對手？
Derek就話兩者嘅目標唔同，澳優覺得山羊奶更加有營養價值，所以都係主力做山羊奶，仲話綿羊主要作用係生產羊毛喎。
山羊奶同綿羊奶邊樣好，絲絲唔曉，只知羊奶有膻味。Derek都話，唔知點解內地嘅羊奶的確幾膻，不過佢哋公司嗰啲羊百分百來自荷蘭，保證冇膻味咁話。
余絲韻