近期二手樓市交投近乎停頓，即使藍籌屋苑鰂魚涌康怡花園，今年仍然未開齋，但二手樓價續癲升，主要因為盤少情況嚴重，業主叫價主導市場，其中馬鞍山上車屋苑新港城，可即時睇樓的兩房鎖匙盤僅餘三個，有業主寧願丟吉單位逾一年，以癲價放盤。
十大屋苑過去周末僅錄六宗買賣，屬近年罕見。世紀21奇豐梁榮貴稱，提供逾五千伙的新港城，年初至今只錄一宗三房單位買賣成交，缺盤令業主叫價難回落，全屋苑現僅餘三個兩房鎖匙盤可即時睇樓，當中兩個更以天價550萬元放售，實用呎價逾1.6萬元。
梁氏又稱，新港城H座實用面積338方呎單位，屬沙士貨，業主一直持有收租，直至一五年樓市高峰期，決定收回單位，並叫價500萬元放售，單位交吉至今，期間不停反價，最新叫價550萬元，同類單位歷來最高成交價僅約515萬元。
上車盤集中地粉嶺區同樣缺盤。六福行陳桂新指，代理要提前放年假，因現時全區沒交吉鎖匙盤可供睇樓，區內指標屋苑牽晴間，目前可接受預約業主睇樓的放盤單位僅兩至三個。屋苑六座中層D室，實用面積393方呎，十月中放盤業主意向價430萬元，至上月才接受睇樓，剛以447萬元沽，創同類單位新高價。
去年政府加辣後，樓價續升，反映二手樓價走勢的中原城市領先指數，最新報144.72點，較出招前漲0.44%。