如果你今年99歲，又想呢個情人節同情人出去開心吓，恭喜晒，事關恒生銀行（00011）保你！
農曆新年就快到，仲有嚟緊情人節，出門前求個安心，當然要買旅遊保險。話說恒生呢排有個旅遊保險推廣，唔係有折咁簡單，而係將客戶嘅投保年齡上限提高到99歲！你冇聽錯，係99歲！而且冇附加保費，優惠做到二月二十八日。（嗱嗱嗱，過年、情人節去旅行都仲包！）
絲絲所知，坊間嘅旅遊保險投保年齡上限通常係75歲，今次恒生照顧到一班「超高齡老友記」，真係堅。但要提提，「超高齡老友記」嘅最高賠償額會較低，不過點都攞個安心好。
余絲韻