遇到索瑪莉就好啫，但係遇到索馬里海盜就陰功喇！就算可以保得住條命仔，亦可能被班海盜綁架再勒索贖金，唔知幾時先可以返屋企。不過，如果遇到呢位索爆女海盜就唔同喇，佢為人親切又甜美，身材仲激凸誘人，就算畀佢綁架，男人都心甘情願，呢位海盜咪就係清水愛里囉。
喺日本寫真界要搵到大波女優絕對唔係一件難事，但係要搵一個身材嬌小而好波就難少少喇！因為好多大波女優上圍同個身都成正比，亦即係話胸大之餘，佢哋嘅胴體亦相對地豐滿，甚至可以話有少少肥，童顏巨乳掌門人篠崎愛就係其中一位，而憑住I Cup超巨型肉彈橫行一時嘅柳瀨早紀更加予人肥膩感覺添！咁有邊位女優大波得嚟又身材小巧呢？除咗長澤茉里奈之外，仲有今日為大家介紹嘅清水愛里。
愛里今年24歲，雖然雙眼唔係好精靈，欠缺神采，但係散發出嘅呆萌感顯得佢天真可愛，而愛里嘅極品身材更具吸引力，胴體雪白而嬌小，但係上圍就有36H咁勁，胸前兩顆大肉純屬天然極富彈性，任愛里喺鏡頭面前點搓點夾，擠出嚟嘅胸肉都顯得飽滿充實，認真奇峰突出！
愛里於2007年出道，當時嘅藝名叫平山藍里，不過唔知係咪改錯名呢，用平山做姓氏可能令寫真迷覺得阿妹屬平板身材，以致人氣唔高，一度令阿妹心灰意冷。但係當阿妹改用清水愛里呢個名之後，情況就來個180度轉變，人氣好似坐上火箭咁火速直線上升，家陣已經成為一個名氣拍得住今野杏南等嘅偶像級寫真妹喇。提到今野杏南呢位人氣寫真偶像，愛里同佢可謂情同姊妹，大家都咁好身材之外，亦同為寫真女優組合「FANTASTAR」嘅成員，之後愛里與其他女優組成嘅組合「PINE」，據講亦係由杏南命名。
以目前嚟睇，愛里嘅人氣雖然未及杏南，但係喺未來嘅日子相信大有機會爬頭，因為愛里作風相當親民，除咗頻密參與公開活動同粉絲見面，對粉絲更加係有求必應，例如粉絲要求佢扮演某個動漫角色，愛里都會答應，早前愛里就應粉絲要求，扮演知名動漫作品《海賊王》中嘅性感巨乳女海盜波雅漢考克，由於愛里又係巨乳妹，扮演呢個角色可謂度身訂造，獲粉絲激讚，仲稱佢為「最胸女海盜」流。
簡介：清水愛里近期經常上電視節目做嘉賓，仲以三點式上陣展露天賦本錢，想欣賞一下愛里演出時嘅花絮，可以Click上其Twitter。
網址：https://twitter.com/airishimizu?lang=ja
年齡：24歲
身高：5呎2吋
三圍：36H-23-34
撰文：賢