深港通開通之後，北上資金較南下為多，有內地股民因為「食正條水」，一月份短短數日，已經收復去年十二月大部分失地。有香港股民表示，稍後會留意深圳股市投資機會，例如選擇較多的農業板塊。
內地投資者蔡先生稱，「深港通開通之後，流入深圳股市嘅資金比深圳流入香港嘅多。港股較預期弱，但恒生指數跌到22,000點水平，估值係好吸引。個人喺去年十二月投資損手，但一月呢幾日收復上月大部分失地，例如依家持有嘅美的集團（000333.SZ），係外資經深股通主要購買嘅股票之一。」
香港中大學生Eric指，「深港通嘅成交同市場反應都符合自己原先預期，畢竟中國人習慣農曆年之前留番多啲錢過年，所以預期深港通好似之前滬港通咁，開通數個月之後先發力。」他又說：「之前藉深港通概念買咗啲小型證券股，賺咗兩成後減持咗少少，留番部分資金博後市再升。雖然暫時無買深圳股票，但遲啲應該會留意下，因為部分板塊如農業股咁，A股選擇會多啲。」
香港散戶蔡先生表示，「深港通開通後，成交似乎集中在個別股份，可見內地投資者都係諗過揀過先買，唔係漫無目的。近排我放咗假去旅行，無參與深港通，但計劃農曆新年假期後再部署，屆時要睇睇美國加息步伐係點。」