亞馬遜計劃明年初於西雅圖開業嘅實體超市中引入「Just Walk Out」技術，舖內不設收銀處，顧客由貨架攞走貨品後便可直接離開。
自動偵測貨物 戶口扣數
咁點畀錢？事先你手機要下載亞馬遜嘅App（應用程式），入舖時用App入面個Barcode（電腦條碼）掃描入閘。超市入面你可以自由自在喺貨架取貨，感應器自動偵測到你攞咗乜。若放入袋後唔想買？無問題，將件貨放番上貨架就得，感應器會自動扣走。離開間舖時，超市自動由你個亞馬遜戶口結帳，張單即時喺手機睇到。
呢個明顯係零售發展嘅大勢所趨，睇怕唔使好耐就到香港，到時超市、便利店連收銀都慳番，咁你覺得興奮定心寒？
余絲韻