尋日行過銅鑼灣，畀絲絲發現恩平道有個吉舖，依家零售氣氛咁，有吉舖有幾出奇。嗱，奇就奇在呢間單邊吉舖個地下，畫咗兒時嘅街頭玩意，係一個十格嘅「跳飛機」！
絲絲聽代理朋友講，個舖位已經吉咗成九個月咁耐，好似仲未有租客進駐。咁個「跳飛機」係裝修定塗鴉呢？話時話，亞太區舖租最貴嘅地段用嚟玩「跳飛機」，咁用法都真係幾特別，絲絲不知幾想搵番啲小學同學入去跳番轉！
余絲韻
