絲絲講場：新人創AR喜帖商機

滙豐工商金融搞嘅「滙豐青年創業大獎」，今年新增「電子商務創意大獎」，由設計公司奇噢創新奪魁，奇噢就係將增強實境（AR）和虛擬現實（VR）技術注入喜帖同結婚相。

打算攻埋企業客

奇噢創新創辦人羅偉成同柯芯妍本身就係一對璧人，兩年前佢兩個籌辦婚禮時，將把AR技術加埋落喜帖同婚禮相簿，用手機對住張帖，就會有聲音又有立體影像，好似一對新人親身邀請賓客，仲可以好似睇片咁無限Loop。

聽講羅氏伉儷用呢招派帖後，親戚朋友好評如潮，佢哋於是萌生創業意念，將自己鶼鰈情深嘅故事化為商機，依家仲將業務由針對個人消費者（B2C）擴展至針對企業（B2B）。

余絲韻