社科院財經戰略研究院發表今年第三季度宏觀經濟形勢分析及第四季度預測報告，預計末季經濟增長6.6%左右，而全年GDP增長6.7%。通常官方講得出，實際數字出入唔會太大，只是實際上居民感覺營商、就業、消費環節是否都大不如前，早就心中有數。
美國總統選舉首場辯論希拉妮佔上風，恒指昨日借勢反彈，但成交依然係得六百幾億。不過，有個板塊表現較為突出，就係煤炭股，但主要係由細價股異軍突起，即係話畀大家知同行業基本因素冇咩大關係，炒家應懂得避免接火棒。
華能新能源（00958）公布已完成發行超短期融資券，發行額20億元人民幣，股價連跌三個交易日後，昨日反彈5.5%，收報3.02元。雖然內地製造業用電需求持續不振，但見到華新能上半年業績唔差，半年純利增長59%至18.06億元人民幣。若要揀再生能源股，此股確為實力之選。
走勢上，過去三年其股價每次上到3.8元水平便見頂回落，而主要承接區則在2.4至2.7元水平，穩陣起見，可待再試50日線2.8元水平，若守穩其上，中線值博。
司慕渢