絲絲講場：新加坡Banker煲劇學廣東話
星展銀行香港董事總經理兼香港區零售銀行業務及財富管理總監張雲峰（Royce）接任呢個位已經半年，尋日第一次出席記者會同記者見面，答記者問題時中英夾雜。
原來Royce係新加坡人，本身講開英文與國語，佢嚟咗香港呢半年積極去學廣東話。點學？就係不停煲電視劇，仲係煲金庸嗰啲武俠劇，唔知Royce最鍾意邊套呢？
張雲峰搜羅港美食
Royce仲話香港嘅美食真係正過新加坡好多，佢依家好鍾意捐窿捐罅搵香港地道美食，仲話藏身係街市樓上嘅熟食中心先夠多好嘢食，佢搵食搵到入大埔同鵝頸橋！果然係識食之人。
余絲韻