今屆奧運獎牌面積歷來最大，直徑有8.5厘米，重成500克，可惜「含金值」超低。原來金牌得1.2%係金，98.8%銀；銀牌就100%銀；銅牌就95%是銅，5%鋅。
以現價計，一面金牌值約4,274港元，一面銀牌值約2,277港元，一面銅牌值約16港元。你冇睇錯，即係中國泳手「洪荒少女」傅園慧所獲嗰面銅牌僅值16蚊……咁即是「女排精神」值約5萬蚊（計晒全部12位隊員）？「洪荒之力」只值16蚊？
點解唔可以純金？如果純金造，812面金牌（今屆奧運所頒發金牌總數）總成本就要1.37億港元！咁睇怕冇國家再肯主辦奧運了。
余絲韻