隔晚華爾街股市繼續偏軟，納指更跌2.4%，也令隔晚夜期尾市一陣恐慌沽壓，七月期指一度低見19,630點。承接美股及夜期弱勢，昨日七月期指以19,772點開出，但即市走勢如同周一翻版，開低後，在主動買盤支持下逐步收復失地，臨收市更倒升，日市以全日高位20,155點收市，成交8.1萬張，轉倉活動似已完成。
日線圖上，恒指一連兩日出現低開高收的陽燭，可見港股玩家低位撈貨的意欲頗強，現貨在19,800至20,000點之間的支持力唔錯。
筆者本訂下19,960點平手逃生，昨日開市裂口開低，不過很快見主動買盤步步進逼，到平手位逃生後，很快價位便叫上20,000點關，真係後悔都嚟唔切，立即補回。
從內地股市一連兩日拗腰倒升，滬綜指收市價計更是近三周新高，A股表現似乎與外圍股市絕緣，又睇吓七月可唔可以幫港股沖喜。
John Mullen