日本最有錢嗰兩位，齊齊認自己智障？佢兩位係Uniqlo母公司迅銷（06288）CEO柳井正同軟銀集團創辦人孫正義。幾時講？就上周嘅軟銀股東會上。
貴為日本首富嘅柳井正話，零缺陷嘅人查實得好少，佢自己都唔算完全健全。柳井仲即場拖埋排第二有錢嘅孫正義落水，話孫鍾意誇大，都係缺陷嚟。搞到同場嘅日本電產CEO永守重信，都認埋一份。
三位咁合拍，因佢哋打算請多啲殘障人士，等傷健可以一齊工作。邊講社會責任，邊搞Gag咁啫。
余絲韻
