絲絲講場:股神教創業:冧掂你個客

想創業?股神巴菲特一句講晒「取悅你的客戶」,即係「冧掂你個客」。

湊得好可以客搵客

巴菲特話:「要『取悅你的客戶』,而唔係『滿足你的客戶』!」呢個就係股神對任何一位想創業嘅人嘅忠告。

佢話:「只要取悅到顧客,你唔使出錢利誘、亦唔使時刻監督,佢哋都會向其他人講你公司好話,有如你公司以外嘅一支銷售團隊。」

簡單講即是冧到客,佢會免費幫你宣傳,有口碑就有生意。

話時話,呢樣何止對客Work,對住老闆、老婆、老公、老竇、老媽都一樣啱使。

余絲韻