絲絲講場：擺烏龍 長和國際改名前暴跌 鳳凰網入錯「超人」數
尋日喺鳳凰網財經見到篇文《李嘉誠病了：旗下公司市值縮水400億 長和國際再跌40%》，絲絲見到真係巧驚驚！長和國際（00009）搞電影嘅噃，喂，李嘉誠嗰間係長和（00001），兩間公司無關係嘅喎！
佢哋文尾仲話「今天長和國際實業股價再度重挫，『超人』旗下公司市值將進一步縮水」，即係入咗超人數？
今日易名「九號運通」
難怪長和國際（睇清楚，係00009，搞電影嗰間）真係要改名，今日股份就正式易名為「九號運通」。嗱嗱嗱，就喺改名前夕（即是尋日），長和國際股價勁瀉，日內最多曾插57%，收市時跌27%報0.415元，市值一日就唔見咗3.8億港元！唔知關唔關改名事？
余絲韻