好多人都喜歡飲杯咖啡提提神，令自己進入狀態應付沉重嘅工作。大家以後唔使去買咖啡或沖咖啡咁麻煩喇，因為我哋可以欣賞丸高愛實呢位咖啡妹，佢生得靚女又好身材，仲鬼咁姣，真係令人好提神醒腦呀！
日本寫真偶像雖然多數都係靠拋胸露乳賣弄身材嚟吸引觀眾，但係佢哋露得嚟風格健康，而佢哋所屬嘅事務所都知道，大家要求寫真偶像要性感得嚟，又要形象健康呢種矛盾要求，故此命令旗下嘅女優唔可以亂搞男女關係，難怪寫真女優嘅博客將感情生活部分「封印」起嚟，除咗丸高愛實呢位咁出位嘅寫真女優。
愛實天生一副混血兒相貌，但據稱阿妹係純正日本妹，點都好，愛實的確標致可人，而且姣味濃郁，十足AV界嘅涉谷辣妹一樣，一睇就知鍾意溝仔。如果愛實要溝仔，肯定個個男仔都會受溝，因為見到阿妹34D-24-35嘅惹火身材，相信冇邊個男仔唔會心如鹿撞、慾火上湧，甘願任由阿妹玩弄。
愛實喺2009年參加選美比賽「Top Of Gravure」，憑住出眾嘅美貌同身材奪得冠軍，自此踏上寫真偶像之路。其實，愛實唔使出嚟拋頭露面，亦可以安安樂樂做太子女，據悉其父經營咖啡店，生意唔錯，不過愛實唔鍾意飲咖啡，自小視倖田來未、安室奈美惠為偶像，故此好想做明星。
近年愛實少咗拍水着寫真，因為佢被電視界同電影界睇中拍戲，最近演出嘅電視劇有《警視廳櫻花警察 最強的姊妹搜查官》，而電影有《新宿天鵝》。喺好多人心目中，愛實出名嘅唔係寫真偶像身份，亦唔係演員身份，咁係咩呢？就係溝仔王！愛實出道之後傳出好多負面新聞，包括話佢喺未成名之前成日落夜店溝仔，而成名之後仲相繼同唔少男星傳出緋聞。雖然愛實咁多緋聞，但係演出機會一樣陸續有來，認真吹佢唔脹。
簡介:從丸高愛實嘅博客當中，可以睇到好多有關佢嘅工作花絮以及工餘時嘅玩樂情況，想了解愛實更多，可以多Click上其博客睇睇。
網址：http://ameblo.jp/avex-marutaka/
年齡：25歲
身高：5呎4吋
三圍：34D-24-35
撰文：賢