世界經濟論壇早排出嘅調查報告《工作的未來》，話依家進入「第四次工業革命」，仲數出未來4年至渴市10項職場技能，報告涵蓋全球15個主要經濟體內9個行業共371間最大企業。
有以下10技傍身，4年內可保住飯碗，人工智能（AI）挑機都唔使震。
亮點係「複雜」兩個字，呢樣咁多年嚟一直都係最渴市嘅技能，4年後都一樣，仲會有36%行業視之為重點。
即是基於邏輯，喺唔同嘅方案中指出優點與缺點。
創意嘅嘢，人類有，AI冇。呢樣技能舊年只係排第10，依家上咗三甲。
鼓勵人心、栽培人才呢啲，AI取代唔到。
即是協調令團隊合作嘅技能，暫時都仲係「人」先做到。
即係能夠感受同理解他人情緒反應嘅能力，簡單一句就係「識睇眉頭眼額」。
啲公司愈來愈重視數據收集，需要好多人才去分析與判斷，然後作出決策。
講到要同顧客溝通、為客戶提供良好服務，AI唔識睇人眉頭眼額，人與人之間交流都係交番畀人類好啲。
同人講數、談判非常講求同人接觸，暫時AI仲未學到。呢項技能喺電腦、資料數據分析、程式開發、工業設計等行業，會愈來愈吃香。
即係講求多角度思考同應用。兩年前冇乜人知呢樣係咩，依家已經入咗渴市職場技能10大。
余絲韻