北水頭等倉：中芯現水平無謂追貨

華能新能源（00958）周二收市後公布四月份營運數據，單月完成總發電量204.4萬兆瓦時，同比增長32%；而今年首四個月完成總發電量664.64萬兆瓦時，同比增長29.8%，見其股價前日股價做好，昨日逆市靠穩。

電力股難言見底

瑞信發表的報告亦指，華新能四月份經營表現勝同業的龍源（00916），故維持給予跑贏大市評級，目標價維持睇3.8元。之不過，睇勢似是借消息反彈居多，短線2.2元水平不宜有失，否則等回試1.8至2元水平承接再諗都未遲。

講到電力股，幾隻傳統電力股今年以來股價一直尋底，雖然煤價低企，但電力需求隨經濟疲弱而增長放緩，到底是否撈貨時候，筆者亦唔敢講！橫睇豎睇，其實過去一年，中資股中持有騰訊（00700）最穩陣，現時股價仍企在去年次季的水平，可謂穩如泰山。

再睇下異動股，中芯國際（00981）昨股價升6.4%，收報0.66元，主要是公司公布就合資尚未履行的注資額，將由8.04億美元減至7.08億美元的消息刺激所致。

老實講，中芯由上市至今，對小股東而言都係一間回報與投資不成正比的公司，雖然近幾年在新高層帶領下業績有改善，但論股價表現依舊係乏善足陳。昨日股價回升，但相信0.7元關又係頂到實，追貨都係可免則免。

司慕渢