輪場繼續「輪流轉」？市場傳高盛（亞洲）證券化衍生工具部有人事變動，執行董事司徒光耀（Elvis）尋日起放Garden Leave（離職前嘅有薪假期），咁突然，唔通Cut人慳成本？
Elvis唔太肯講，齋確認自己「放緊假」、「暫時仲係高盛員工」，但就話之後有關輪證嘅傳媒訪問，要搵佢同事幫手。
確實，該行喺媒體上嘅輪證節目，尋日起已經唔係由Elvis出嚟，而係轉畀佢同事。尋日絲絲想問Elvis關於輪證市場嘅情況，佢都唔肯答，反映空穴來風，未必無因。
輪證市場受港股低迷影響，發言人亦不時有變動，好似瑞銀李靄欣轉戰私銀、同埋舊年十月法巴郭小菱離開輪場等，真係變幻才是永恒！
余絲韻