隔晚美股走低，恒指跌穿21,002點的橫行區支持後，大戶趁機踩多一腳，淡友主導市況，恒指昨跌151點收報20,525點，即市低位試穿50日線20,439點，三日累計跌863點。
昨期指裂口以20,362點開出，早段好友嘗試反撲無效，見20,461點，補回近百點裂口已無力，午後反攻未能升穿上午高位，至20,444點止步，最後兩小時市況膠着，臨收市零星冚倉盤把低水幅度擴大，日市收20,300點低水226點。
恒指小時圖上，自21,654點高位回落，未見過超過一百點的陽燭燭身，兩日之間，不單跌穿高位橫行區，日線圖更失守保力加通道中軸。較中線角度，若18,278點是中期低位，筆者主觀願望是傾向相信整個反彈浪的0.382回吐，即20,364點（昨低位20,411點）會有支持，重申此舉純粹以即市博反彈心態一試，如小時圖未見改善，不過市，今日現貨到位試買，輸150點止蝕。
John Mullen