北水頭等倉：中資電力股切忌手多

無可否認，內地13億人口，生活水平提升，醫藥市場發展空間龐大，可惜行業缺乏嚴格監管及專業操守，外資亦為之卻步。希望經過今次事件後，行業改革能行對路。

說回股事，中資電力股自今年二月展反彈浪，至上月中旬見頂，近日紛紛有勢再試二月低位，即係得個吉！睇番中國電力（02380）、華能（00902）同華電國際（01071），10日線已跌穿50日線，死亡交叉預視尋底走勢。

大唐發電（00991）算係波幅較細的一員，二月低位以來反彈幅度有限，表現落後同業，但股價亦遲了一、兩個禮拜，到昨日10日線才跌至50日線水平，相信亦不離利淡趨勢，最好眼看手勿動。

事實上，內地上月製造業數據尚未見大起色，電力需求都唔荒好。一年首季已過，若次季都係食白果，都咪話唔閉翳！經濟復甦前景未明，是困擾股市的最大因素，指數上上落落，總有一日會爆邊，終極市況過後，新秩序又開始重現，這情況可能是投資者所不願見到的，但卻在一步步走近大家眼前！

司慕渢