絲絲講場：董明珠：成功女人唔靠樣
格力電器董事長董明珠係內地有名嘅女性製造業企業家，業界就慣稱佢做董姐。喺日前董姐出席一個「獨立女性主題座談會」時，向內地女大學生同埋女工人們大談成功女性心得時，劈頭第一句就被問：「對女性嚟講，你認為身家和美貌哪一個重要？」
董姐就答道：「一個人最大嘅成功在於自信，而不是身家或者美貌。我認為，寧願坐在寶馬車裏哭，不願坐在單車上笑係錯誤嘅選擇。女性能否成功不應該依靠外貌，而應該係內涵。只有自己強大，才係真正嘅強大。」
原來董姐一向習慣被一百幾十人「圍毆式」發問！好似早前她就啱啱喺珠海格力電器總部，同160多位北大EMBA學員、東莞女企業家商會嘅企業家，面對面交流企業管理經驗，探討如何提升企業核心競爭力。
總結內企八大困局
董姐當其時就總結出中國企業當前嘅八大困局：外銷不景氣，內銷很疲軟；成本翻幾番，虧本做買賣；貸款貸不到，融資成本高；管理不規範，效率上不去；技術不差異，價值上不去；沒品牌沉澱，老百姓不認；電商大衝擊，不知怎麼做；不轉型等死，轉可能找死。
余絲韻