唔少市民都會買樓收租為資產增值，但遇着無賴租霸租住單位，兼拖欠租金，業主就真係有冤無路訴，為咗避免遇上不良租客，絲絲知道中原測量師行推出咗個好貼心嘅「優質租客認可計劃」，方便業主揀租客。
至於點樣運作，呢個計劃會為中原測量師行租務管理服務下嘅租客，喺租期完結後進行審核，並會提供證書，證明租客準時交租、未有違反租約或收到投訴等。絲絲都覺呢個計劃一方面可以保障業主、另方面又可以畀返個「Credit」好租客，做到雙贏局面。
余絲韻
