長假後港股繼續牛皮，這又難怪，美股衝唔上去年底高位，加上內地股市照開，資金在假期前減磅已是意料中事，而且近排外圍無特別消息，令昨日恒指即市波幅僅136點。恒指昨收報20,366點，升20點，主板成交縮至600億元。
走勢上，恒指自二月反彈至今，營造穩定上升通道，中線走勢睇落唔錯；但近期大市成交日縮，現價先開好倉似乎又欠缺值博率。另外，三月期指昨以20,349點結算，至於四月期指日市則收報20,363點，成交7.4萬張，未平倉合約則有6.4萬張。從成交所見，資金對後市選擇做好還是做淡仲心大心細。筆者上周減磅至三分一好倉後，恒指昨力守20,168點止蝕位，故繼續持倉，但到短期方向未明，故選擇不變應萬變。
John Mullen